Aston Villa chuan Chelsea England midfielder kum 24 mi, Conor Gallagher chu an ngaihven a, Colombia forward Jhon Duran, 20, chu an indawrnaah an hmang tel mai thei. (Telegraph)

@ Brentford England forward Ivan Toney, 28, chu Tottenham chuan kumin nipuiah attaking lam player pahnih lakluh an tum zinga pakhat atan lakluh an duh. (Football Insider)

@ Ipswich manager Kieran McKenna chu Chelsea-a a hmalam hun la chiang lo Mauricio Pochettino thlaktu tura hmahruai mektu a ni. (Guardian)

@ Brighton manager chhuak tur Roberto de Zerbi chu Bayern Munich-in Thomas Tuchel thlaktu atana an lakluh tum ber a ni. (Bild)

@ Bayern Munich leh De Zerbi-te chuan an thawkdun dawn lo tiin thutlukna an siam tawh. (Fabrizio Romano)

@ Real Madrid chuan Liverpool Argentine midifielder kum 25 mi, Alexis Mac Allister chu an duh a, hetihlai hian dilna an la siam lo. (Sun)

@ Fernerbahce leh Besiktas-te chuan Chelsea leh Manchester United manager hlui Jose Mourinho chu coach atan an duh. (Goal)

@ Manchester United chuan English forward kum 22 mi, Mason Greenwood chu hralh an duh a, Getafe-a tha taka loan-a a khelh hnuah Napoli, Juventus leh Atletico Madrid-te nen sawi zawm an ni. (Talksport)

@ Greenwood chungchangah hian Napoli chuan Manchester United an dawr tawh. (Athletic)

@ Borussia Dortmund pawhin Greenwood lak dan an zawng. (Mirror)