World heavyweight champion hlui Mike Tyson leh Youtuber atanga boxer-a inlet ta Jake Paul-te inhnek hun tur chu November ni 15-ah sawn hlat a ni.
Tyson leh Paul-te hi July ni 20-a inhnek tura ruahman an ni a, mahse tun thlaa kum 58 tling tur, Tyson hi tunhnaiah a ulcer a nasat avanga damdawi lam thiamten thurawn an pek angin an inhnek hun tur pawh hi sawn a ni ta a ni.
He an inhnek tur hi a tirah exhibition match tura tih ni mahse professional fight a ni leh thei dawn si a, mahse round khat minute 2 zel niin, round 8 khelh tur a nih bakah glove pawh 10oz aiah 14oz hman tur a ni dawn a, Tyson hian kum 2005 hnuah professional fight a la hmachhawn leh lo a, kum 2020-ah exhibition bout erawh a khel a ni.