Inrinni tlai khan JAC for Serchhip District Hospi-tal Site chuan Executive Meeting neiin Mizoram sawrkar, Chief Minister Lalduhoma kaihhruaina hnuaia Serchhip District Hospital sak hna tan a nih thuai theih nana hmalakna chak taka kalpui a ni ta chu lawmawm an tih thu an sawi.

JAC chuan District Hospital sakna tura Power Grid Corporation of India Ltd. in CSR Fund cheng vbc.21 a sanction baka a daih lohna zawng zawng Chief Minis-ter-in pek vek a tum thu a sawi chu thlamuanthlak an tih thu leh Serchhip Bazar lirthei tawt lutuk tih thawlna atana Hospital hnuai Public Parking atana Serchhip Ramthlun Veng kawng thleng laih hniam a remtihsak chu lawmawm an tih thu an sawi bawk a, Hospital building chunga helicopter tumna tur dah a nih theih nan CM hnenah thlen leh nise an ti bawk.