HSLC Exam Result tihchhuah takah Mizoram pum pass percentage chu 59.63% a ni a, nikum khan pass percentage hi 72.27% lai a ni thung a, kumin hian pass percentage a tlahniam nasa hle a ni.
Mizorama zirlaite chu sawrkarin World Class Education chhawp chhuah sak a tum thu hriat a ni fo a, hetihrual hian zirlai pawl hrang hrangte pawhin zirlaite hmakhua ngaihtuahin nasa takin hma an la a, kawng ṭhenkhatah phei chuan na takin sawrkar pawh an nawr fo ṭhin a ni.
Hetianga zirlaite tana hmalakna nasa tak a awm chunga hetianga nikum aia pass percentage a tlakhniam nasat chhan hi engvang nge tih hi zawhna pawimawh tak a ni ta a ni.
Kumina HSLC Exam zinga a zat ve tling ṭhelh kum khat chhung zet hun leh tha thlawn an sêng tihna a ni a, hei hi thil pawi tak a ni a, an zinga tam tak phei chuan zirna an chawlhsan phah leh ngei dawn a ni.
Zirlaite tana hma la ṭhintu, zirlai pawl leh sawrkar hian nikum lam aia kumina nasa taka pass percentage a tlakhniam chhan hi zirchiang se, tichuan ṭan lak ngaihna tur leh zirnaa thlakchham kan neih te a hriat theih ngei a rinawm.
Ngaihtuah a ti thui hle mai… Ka pa tih dan takah MARK pu lo chi thil dangah an inhmang nasa hlawm ania nge… ha ha