Kângṭhelhna hmanrua

Niminpiah khan Fire & Emergency Service, Kolasib District chuan Fire & Emergency Week denchhenin Kolasib-a Office hrang hrang leh sumdawnna hmun te leh Bank te chu kângmei vênna an neih ṭhat leh ṭhat loh an enfiah a, heng Office an endik zingah hian kângmei venna hmanrua nei lo leh Office ṭhenkhat kangṭhelhna hmanrua nei te pawh a expire tawh tih an hmu a ni.

Serchhip-ah pawh hian Office hrang hrang leh Sumdawnna hmunpui te hi kângṭhelhna hmanrua an neih dan endik ni ve se, kângṭhelhna hmanrua nei lo leh hmanrua expire kawl te pawh an awm nualin a rinawm ve tho mai.

Hetianga sawrkar Office-in kângṭhelhna hmanrua an nei lo hi a fello hle a, kângmei chhuak vanga in a kan hian thil hlu tam tak a kangral ṭhin a, sawrkar Office a kan palh phei chuan sawrkar lehkha pawimawh engemawzat a kangral dawn a, chuvangin kangmei chhuah thut pawha ṭhelh nghalna tur neilova sawrkar Office te an awm hi thil fello leh him lo tak a ni.

Serchhip khawpui chhunga Office leh sumdawnna hmun te pawh hian kangṭhelhna hmanrua hi hman mai theih tura an inchhawp ngei theihna tura hmalak nise a ṭha hle ang.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram