Rilru lam Doctor râwn nachang hriat kan mamawh

NELIC chhinchhiah danin kumin chhungin mahni intihlum 7 zet an awm tawh a, tunhnaiah Mizoramah mahni intihlum an pung hle a, he thil hi ngaihthah chi niin a lang lo/

Mahni intihlum te hi an intihhlum chhan tam ber chu ruihhlo vâng te, Ngaihzawng vâng te, an thil tum an tih theih loh vang te, damlohna-in a tlak buak vang te leh retheih luat vang te niin sawi a ni a, heng te hi an intihhlum chhanah puhsak ni mahse a dik tak zawkah chuan an rilru natna hriatpui tak taktu leh an rilru natna thawidam tura puitu an hmuh loh vang a ni zawk niin a lang.

Mithiamte chuan mahni intihhlum duhna khawp thinlung put hi natna (disease) chi khatah an ngai a, mahni intihlum tam ber hi rilru hah (depression) nasa tak an neih vang a ni tlangpui tih an sawi. Hei vang hian mahni intihhlum tum te hi vên theih an ni a, Doctor-ten taksa natna an enkawl dam theih ang bawkin hetianga mahni intihhlum duhna khawp rilru natna nei te pawh hi an natna enkawl dam theih an ni ve tho tih hria a, rilru lam Doctor te râwn nachang hriat hi kan mamawh nasa hle tawh niin a lang.