Sangha vuak/hrai hi

Tuipui luia sangha te chu tunhnaiah Ngaihhih hmanga vuak an nih avangin Tuipui Tlawhchhan YMA te chuan Forest Department hnenah Sangha vawtu te zawng chhuaka a ṭul anga hma la tura thlen nise tiin an rel a ni.

Kan pi leh pu te tihdan chhawmin, kumtin hian ṭhal tui tlem hun hian Zoram hmun hrang hrangah, lui te leh lui lianah sangha vuak a ni ziah a, sangha vuak a ṭhat lohzia leh mihring te tana thil pawi a thlen nasat theih zia kan inzirtir nasa a, mitinin sangha vuak ṭhat loh zia leh pawi zia kan hre vek tawhin a rinawm a, chuti chung chuan sangha vua an la awm reng a, sangha vaw zingah hian YMA leh Forest Department lamin an hriat lem loh hi a tam zawk an nih a rinawm a ni.

Hetianga inzirtirna kan inpe nasa chung leh sawrkar phalloh thil a ni tih hre chunga sangha vua/hrai kan la awm fo ṭhin hi a pawi a, chuvangin ram leh hnam humhalh kumpuana puang, YMA leh Forest Department lam hian ṭhal lai hian luidung lamah an mit lên ngun deuh se, sangha hrai/vua apiang te man chhuah ngei tum ṭhgin te, an man te chu midang tan pawha sangha vuak/hrai leh ngamawm loh tur hial turin an chungah hmalak ni ṭhin se, sangha vuak hi a tlem deuh a rinawm.