Nimin khan Mizoram hmun hrang hrangah kum danga tih \hin dan ang bawkin Kângmei Vênna Hapta hawn a ni leh ta a.
Kangmei chhuak \hin hi a pawi a, kan ram ngaw \ha tak tak nasa taka a kâng \hin te hi kan tan hian a pawi hle a, kan ram a tihchereu mai bakah kan hriselna a khawih pawi a, thil nung zawng zawng deuhthaw nunna hnar ber kan lui tui hnar nasa takin a kâm phah a, a kum telin khaw hrang hrangin tui harsatna kan tawk chho mek zel a, heng kan harsatna tawh te hi a bul pakhat chu kan ram ngaw te a kan chhiat nasat lutuk vang niin a lang.
Tin, In lama kangmei chhuak pawh hian pawi nasa tak a khawih \hin a, sum leh pai, rohlu tam tak a kan chhiat bakah mihring nunna hialin a tawrh chang te a thleng \hin a ni.
Hetiang khawpa mihring te tana pawi nasa tak thlen \hin kângmei chhuak tur hi vên a \ul tih sawrkarin a hria a, chuvangin kangmei ven kawngah nasa takin hma a la a, sawrkar hian sum leh pai tam tak sengin nasa takin hma la mahse mipuiin sawrkar hmalakna kan \awiawm \hat loh chuan sawrkar hmalakna hian rah \ha a chhuah thei lovang. Kangmei chhuak tur ven kawnga sawrkar hmalaknaah mipuiten tihtur kan neih te \ha taka hlen chhuah \heuh tum ila, kan tana phurrit a awm deuh a nih pawha sawisel leh tlan chhe lova, tha kan thawh ve a \ul hle a ni. Kangmei chhuak hi a tuartu ber chu mipuite kan nih avangin kângmei tichhuaktu ni lovin a vengtu nih \heuh i tum ang u.
Loading ...