Zirlai exam inbuatsaih tibuai thei lakah insûm rih nise

Tunah hian Zirlai te chu kumtawp exam nei turin an inbuatsaih chho mek a, ṭhenkhat chu tunkar chho hian an exam tawh dawn a, tun ṭum exam an hmachhawn tur hi Promotion Exam a nih tawh avangin Zirlai te tan a pawimawh zual hle a, chuvangin Zirlaite tana hun pawimawh tak hi zirlai ni ve lo te pawhin i ngaih pawimawhsak hram ang u.

Zirlaite tana an rilru sawrbing ngaih zual chhung hi chuan Zirlaite rilru la peng thei leh tibuai thei thil hrang hrang te buatsaih loh ni thei se, tin, nu leh pa te pawhin he hun hi ngaih pawimawhpui ila, an tan kan hun tam zawk pek tum ila, an zirna tibuai thei thil – TV leh thildang eng engemaw lakah pawh insûm ila a duhawm khawp mai.

Tuna zirlai te hi nakina kan chhungkua leh kan ram hmakhua tur te an nih avangin tuna zirlai an nih laia an zirna kawnga kan theihtawka lo chhawmdawl ṭhat hi nu leh pa leh khawtlangin kan mawhphurhna a ni tih i hre thar leh ang u.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram