Khua alo \hal chho leh ta a, kumtina \hala kan lo tawn \hin, kângmei chu Zoram hmun hrang hrangah kan tuar chho leh ta zeuh zeuh a, in kâng leh mihring kâng hlum an awm thu hriattur a awm leh ta a, a pawi hle a ni.
Kumtinin thlasik leh \hal chhoah hian Mizoram hmun hrang hrangah hun dang aiin kângmei a chhuak nasa bik fo a, vanduai vanga kângmei chhuak chu awm mahse kângmei chhuah chhan tam tak hi kan fimkhur tawk loh vang niin a lang. Kangmei laka fimkhur tura inzirtirna nasa tak kan nei \hin a, fimkhur ngaih bikna leh kângmei chhuak thei laka kan himna tura kan tihtur tam tak pawh kan sawiin, kan inhrilh fo bawk a, hengte hi mipui lam hian kan ngai pawimawh tawklo \hin niin a lang.
Chuvangin, kângmei laka mipuite kan him tlân zawkna atan mipuite hian sawrkarin kângmei laka kan himna atana mipuite hnena zirtirna a pek \hin te hi ngaithla ngun ila, kângmei tichhuak thei thil hrang hrang lakah nasa zawkin fimkhur i tum \heuh ang u. Thufingin, ‘Tihdam aiin inven a \ha zawk’ a tih ang khan thil pawi a thlen lohna turin kan theihtawka lo invenlawk i tum ang u.