Kawngpui tizim lo zawnga thil dah dan kan zir a tul

Serchhip khawpuiah lirthei a pung zel a, kan khawchhung lirthei bakah khawdang lirthei engemawzatin kan khua min paltlang bakah an rawn tlan luh ve \hin bawk avangin kan khawpui chhungah lirthei tlan vel a tam ve ta hle mai a, hetihlai hian kan kawngpui te erawh a zau telh telh si lova, chutihrualin kan kawngpui tichêp zual turin kawngpui kam, kawngpui hneih tak takah hmun hrang hrangah bungrua leh hmanrua hunrei tak tak dahkhawm a awm fo mai bawk a, hei mai bakah kawngpui hnaih tak taka lirthei rei tak tak dah \hin an awm bawk a, heng kawngpui hnaih tak taka lirthei leh bungrua leh hmanrua dah te hi lirthei chetsualna a thlen mai a hlauhawm bakah hmun \henkhatah phei chuan ke-a kal te tan pawh lirthei tawhsual a tihlauhawm phah hial bawk a ni.Hetiang hi kan khawpui chhung kawngpui awmdan a ni a, kan khawpui chhung kawngpui kan zauh thei lo a nih pawhin kan kawngpui neihsa tizim zawng leh lirthei tlan vel leh mihring ke-a kalte tana hnawksak tur lo zawnga kan bungrua leh hmanrua te kan dah a, kan lirthei hun dan thleng hian Serchhip mipuite hian zir thar tur kan nei niin a lang.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram