Kumthar chibai bukna

Pathian vênna leh kaihhruaina zarah Kumthar duhawm tak chu kan lo chuangkai leh ta a, hetianga kumthar duhawm tak hmu theia min siamtu Pathian hnenah lawmthu awm se, he kumtharah hian Lalpa malsawmna a thara dawng turin duhsakna kan hlan a che u.

Kum alo thar hian mi \henkhat chuan kumhluia an thil \ha lo tih te simna hunah hmangin, ‘kumtharah rilru thar nen’ tiin, hmasawnna nasa zawk neih tumin rilru an siam thar a, kumthar atan engemaw tihhlawhtlin tum nei kan awm \hin a, \henkhat te erawhin kum thar hi nidanga ni thar chhuak nen a danglamna a awm love tiin, nidanga hun an hman \hin nen angkhatin an hmang zawm pât ve tho bawk.

Mihring te chu hmasawn zel tura duan kan ni a, kumthara rilru thar pu a, kan chin \halo te simna hun atana kan hmang leh kumthar a\anga hmasawnna nasa zawk neih tumna rilru kan pu \hin hi mihring tan chuan thil \ha tak niin a lang a, kan thil tiha hlawhtlinna min petu tan pawh tumna neilo hnena hlawhtlinna pek ai chuan tumna nei ngei hnena hlawhtlinna pek chu a thlanawm zawk ngeiin a rinawm bawk a, chuvangin tumna neilo ai chuan tumna nei te chuan hlawhtlinna kan hnaih deuh zawk ni te pawhin a lang.

Hetihlai hian thil \ha engpawh kan hriat chu kumthar a\anga tih kher erawh tum lo thung ila, thil \ha tihtur kan hriat leh kan tana hmasawnna tur nia kan hriat te chu kan hriat \an hun hunah tiin, sim ngai pawh sim nghal mai ila. Kan sim ngai nia kan hriat leh kan hmasawnna atana tihtur nia kan hriat te sim hun leh tih hun atana kumthar kan nghah kher \um hian kan thil tum te kan tihhlawhtling duhlo fo a, kumthar a\ang khera sim kan tum te pawh hi kan sim hlen duhlo fo zawk nite pawhin a lang a, chuvangin thil \ha tihtur kan hriat te kan hriat hun huna kan tih \an nghal mai hian a hlawhtlinna pawh kan hmu hma zawk ngeiin a rinawm.

Chuvangin, kumtharah rilru thar pu a, hmasawnna neih tumna rilru kan pu \hin ang hian eng hun pawh nise thil \ha nia kan hriat te tih nghal mai hi i ching thar \heuh ang u.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram