Zirtawpni zan khan Aizawl Republic Vengah tualthahna rapthlak tak a thleng a, tualthattua puh pawh man nghal a ni a, tualthattua puh hi Police lamin an lak hma-in mipui thinrimin chil an tum avangin an manna bulhnai in-ah mipui khawih theih loh turin dah a ni a, Police-in an veng zui bawk a, mipui thinrim hian tualthattua puh hi khawih ve ngei tumin Police nen an innawr buai bakah an dahna in pawh nasa takin an tâwng a, tualthattu an dahna in, pawikhawih nei velo te in chu nasa takin tihchhiat a ni a, a pawi hle a ni. Pawikhawihna a thlen hian an pawikhawih dan a zirin a tuartu ni lo tan pawh thil thinrimthlak tak a nih chang a awm a, hetiang huna pawikhawihtu nia hriat man an nih chang hian mipui thinrim hian pawikhawihtu te khawih ve tumin Police te nena innawrna hi a thleng fo \hin a, hetianga innawr buaina a thlen hian hliam te an awm phah a, thil pawi dang a thlen phah fo bakah, Police te tan pawha thiltisualtu thiamloh chantir an nih theihna tur kawngah pawh harsatna a thlen chang a awm fo bawk a ni.
Hetianga thil pawi thinrimthlak tak a thlen changa thinrim laia mipui lamin chet thawh ve mai kan tum \hin chungchangah hian mipui lam hi kan inzir thar a \ul takzet a, hetiang hun alo thlen hian rilru fim tak kan put a \ul a, thil tisualtu Police lamin an man tawh chuan Police kutah ngaihngam taka dah mai a, thiltisualtute Court-a thiamloh chantir an nih ngei theihna tura Police lam puih dan kawng zawn te hi a \angkai zawk tih pawh kan hriat thar a \ul takzet a ni.