Kar kalta khan PHED, Serchhip WATSAN Division chuan an consumer te hnena SMS hmanga tui sem hun tur inhrilhhriatna an kalpui \an a, Serchhip hi Aizawl dawta hetiang kalpui hmasa ber hi a ni a, thil lawmawm tak leh hmasawnna \ha tak a nih rualin mipuite tan pawh thil \ha tak a nih ngei a rinawm a ni.Khawvel a changkang zel a, khawvel changkan rualin kan ramah pawh changkanna-in hma a sawn ve zel a, kan nunphung leh kan hmanraw neih te pawh a changkang chho ve zel te hi \angkai taka a hmanna tur kan hriat chhoh ve zel hi kan tihmakmawh leh kan hmasawnna tur pawimawh tak a ni a, tuna PHE Department-in SMS hmang \angkai tura hma an la ta hi mipuite tan pawh thil lawmawm tak niin a lang a, mipuiten hlawk zawka kan hun kan hman phah theih te a nih phei chuan hmasawnna ropui tak a ni ngei ang.
Tuna SMS hmanga tui sem hun tur hriattirna kalpui ang hian a bik takin Food, Civil Supplies & Consumer Affairs Department lam pawh hian Ration buhfai etc. sem hun tur leh sem hun chhung tur hi mipuite hnena hrilh hre ve thei se thil duhawm tak a ni. Tun dinhmunah chuan chawlhkar tin Ration buhfai hi sem a ni lova, a rualin chawlhkar hnih Quota te sem a ni \hin a, sem hun chhung pawh hi Department lam hian eng chen nge an bituk tih pawh mipuite hian an hre lo bawk a, chuvangin FCS&CA lam pawh hian mipuite hnena Ration buhfai sem tur awm hun leh a sem chhung tur te hi mipuite hnenah engtin emaw tak chuan hriattir dan kawng hi zawng ve se, hei hi mipui tan pawh a \angkai ngei a beiseiawm.
Sawrkar Department hrang hrangte pawh hian mipuite samkhaina tur leh mipuiten an chhawr \angkai theih tura kan changkanna thil te hman chhoh dan hi zawng zel se a duhawm khawp mai. Chutihrualin hetiang thil hman hi a thawktute tan erawh inthlahdah a har phah deuh ngei thung dawn a, tam tak tan chuan thil kalpui chakawm tak a ni kher lo mai thei.