Zirtawpni kalta khan Leisekawt Field-ah Serchhip mipuite chuan ropui takin Chapchar Kut kan hmang a, mipui kan kal \ha hle a, kan bawlhhlawh kalsan tak pawh a bul vela mi te tan chuan hnawk tham a nih ngei a rinawm.
Field-ah emaw, hmundangah a ni emaw, mipui punkhawmna tur huaihawt a nih châng hian a hun thlen hma a\angin uluk takin inbuatsaihna kan kalpui \hin a, inbuatsaihna zinga kan mangnghilh fo \hin chu mipui pungkhawm te bawlhhlawh paihna tur leh mipui pungkhawm te bawlhhlawh senghawi dan tur hi a ni fo \hin a ni.
Zirtawpni-a Chapchar Kut kan hmannaah pawh khan Field chhehvelah bawlhhlawh bâwm hmuh mai tur a awm loh avangin mipuiten an bawlhhlawh tam tak chu Field chhehvel-ah an paih darh a, bawlhhlawh \henkhat chu nakina paih tura ah bo mai remchang a awm laiin bawlhhlawh, ken zui atana rem lo chi hrang hrang (Entirnan: Dawnfawh eina kâwr etc.) a awm ve bawk a ni. Khang bawlhhlawh kan paih darh te kha hun hman zawh hnu-ah a thianfaitu an awm leh a nih loh chuan a bul vela chengte tan chuan a hnawk ve hle-in a rinawm.
Mipui punkhawmna tur hun eng pawh kan buatsaih dawn a nih chuan a buatsaihtu te hian mipui kalkhawm te bawlhhlawh paihna tur leh hun hman zawh hnua bawlhhlawh senghawi leh dan tur thleng hian kan inbuatsaihnaah kan telh \hin a pawimawh khawp mai, hei hi changkanna kawng kan zawh chhoh mekna atana thil \ul tak a ni a, mipuiten awlsam taka an bawlhhlawh te an paihna turin bawlhhlawh tam zawk hûn \hin nise. Bawlhhlawh bawm hi changkang tak tak hûn hran pawh a ngai kherin a rinawm loh, bawlhhlawh dahkhawl theihna tur lehkhakhawm bawm mai mai pawh hung ila, chu chuan hun hman zawha bawlhhlawh senghawi pawh nasa takin a tiawlsam dawn a ni.