Hman deuh khan Serchhip Town Rate & Wages Control Committee chuan Serchhip khawpui chhunga inhlawhfa te hlawh zat tur leh thil rate (Sa man etc.) a bituksak a, hetianga hma an lak na chhan kha inhlawhfa ṭhin (a bikin Cement Mistiri) te leh thil zuartuten an rate an duh zat zata an tihsan avanga mipuiten harsatna an tawh vanga khati zawnga hma la ta kha an ni.
Mizo tualchhung hlawhfa rate hi a sâng mawh viau a, an hlawh pawh hi hnathawktute bituk lovin, a ruaitute bituk ang hi a ni zawk mah a, hei bakah hian Mizo te sa duh ber Vawksa KG. 1 man hian Mizo tualchhung hlawhfa rate hi a nghawng thui viau bawk a ni.
Hetihlai hian hnamdang Cement Mistiri Rate erawh a ruaitute ni lovin, a hnathawktute bituk a ni deuh tlangpui a, hun engemawchen aṭang tawh khan Mizoramah hnamdang cement Mistiri te rate hian sawi a hlawh hle a, Mizo mipuite hian an rate a sâng ti viau ṭhin mahila rawih tur dang an awm loh miau chuan a mamawhtute tan chuan rate sâng deuh pawhin chhawr loh theih loh an ni tlat si a, hei hi mipuite tan phurrit a tling hle a ni.
Cement Mistiri te rate hi tun dinhmunah chuan enfel leh ngai tawh tak niin a lang a, hemi kawnga hma la tura lo din tawh District Bawrhsap kaihhruaina hnuaia din Serchhip Town Rate & Wages Control Committee khan hma la leh thei se a duhawm khawp mai.