Skip to content
Home » Chanchinthar » Editorial: Ram hmasawnna atan tunlai thiamna hman tangkai uar

Editorial: Ram hmasawnna atan tunlai thiamna hman tangkai uar

Nimin khan Human Resource Development Board Vice Chairman L.Thangmawia chuan National Institute of Electronics and Information Technology (NIELIT), Samagra Shiksha – Mizoram leh Mizoram IT Society-te ṭang tlangin an buatsaih, kar khat awh tur school zirtirtute tana Information & Communication Technology (ICT) lama intuaihriamna, chu New Academic Building, NIELIT Aizawl, Zuangtui-ah a hawng a, he training-ah hian zirtirtu 600-te tana buatsaih a ni dawn a ni.

Tunlai khawvelah chuan sawrkar leh mimal, company-te hnathawhna atan tunlai thiamna hi hman nasat a ni tawh hle a, tunlai thiamna hian hna a tiawlsam a, hna thawh a tichak a, a rang a, sawrkar mai ni lo, mimal leh company changkang leh hmasawn apiangin an hmang nasa a, tunlai thiamna hmang ṭangkai thiam leh hmang nasa apiang hmasawnna a chak ni berin a lang a ni.

Hetiang hi a nih avangin ramin kawng hrang hranga hma a sawn dawn chuan sawrkar hnathawkten tunlai thiamna an hman ṭangkai thiam a ṭul hle niin a lang a, tuna kan dinhmunah chuan sawrkara hna pawimawh tak tak thawk tam tak hian tunlai thiamna hi an hmang ṭangkai thiam tawk lo hle niin a lang a, sawrkar hnathawkte zingah tunlai thiamna hmang ṭangkai thiam an tam theihna turin tun lai thiamna hman ṭangkai dan tur inzirtirna hi uar lehzuala kalpuite pawh hi a ṭul niin a lang a ni.

Leave a Reply

This site uses Akismet to reduce spam. Learn how your comment data is processed.