Skip to content
Home » Chanchinthar » Editorial: Sawrkar laipui scheme tam zawk chhawr tangkai

Editorial: Sawrkar laipui scheme tam zawk chhawr tangkai

Inrinni khan BJP Mizoram State president Vanlalhmuaka chuan Serchhip Press Club-ah thuthar lakhawmtute kawmin, Mizorama cheng Mizoten sawrkar laipuiin mipuite tana hmasawnna hrang hrang a duante a tam thei ang ber an chhawr ve a ngai tih a sawi a, hetiang bawk hian Mizoram Governor ni lai Hari Babu Kambhampati pawh hian Mizo mipuiten central sawrkarin mipuite hamṭhatna atana duan scheme-te an hre tawk lova, an chhawr ṭangkai tur tam tak an chhawr ṭangkai lo tih sawiin, hemi kawnga hma la tur hian tlawmngai pawl hruaitu te, kohhran hruaitute leh sawrkar leh bank lama hotute chu ṭan la turin a ngen tawh ṭhin a ni.

Sawrkar laipui hian Department/Ministry hrang hrang kaltlanga mipuite hamṭhatna tur a duan hi a tam hle a, amaherawhchu, Mizo mipuite hian state sawrkarin a kalpui lo hi chu kan chhawr ṭangkai mumal lo hle a, miharsate chawikanna atana Central Scheme ṭha tak takte kan chhawr ṭangkai tawk lohna chhan chu mipuiten kan hmelhriat tawk loh vang a ni a, mipui tam zawk hian kan ngaihven loh bakah a scheme kalphung leh a chhawr ṭangkai dan tur mipui hnena hrilh hretu an awm mumal loh vang a ni pakhat a ni.

Hetianga sawrkar laipuiin mipuite hamṭhatna tura a duante a chhawr ṭangkai theiten an chhawr ṭangkai hi sawrkar laipui duhdan a ni a, heng scheme-te hi mipuite dinhmun chawikanna atana a duan vek a nih avangin heng scheme hrang hrang a chhawr ṭangkai theiten an lo chhawr ṭangkai hi ram hmasawnna atan pawh thil ṭul tak a ni a, chuvangin, sawrkar emaw, tlawmngai pawl emaw, kohhran thleng pawhin an miten sawrkar scheme an chhawr ṭangkai theih tur chi zir zau a, mipuite hnena an chhawr ṭangkai theih dan tur hrilh hriat lama ṭan lak a ngai a ni.

Leave a Reply

This site uses Akismet to reduce spam. Learn how your comment data is processed.