Skip to content
Home » Chanchinthar » PMGSY hnuaia kawng laihna atan cheng vbc. 38500

PMGSY hnuaia kawng laihna atan cheng vbc. 38500

Sawrkar laipui chuan Prime Minister’s Gram Sadak Yojona (PMGSY) hnuaia kawng laihna atan Cheng Vbch 38,500 hman a remti.

Union Cabinet thutlukna siam hi Rural Development Minister Jairam Ramesh-a’n chanchin thar theh darhtute hrilhin, he sum hmang hian tribal-te chenna hmun- phaizawl, tlangram, thlaler leh ramri depa kawngpui thar laih hna leh a awm sate chei \hat hna thawh a ni ang a, Naxal-te chet hluarna hmun District 82-a tribal, mi 100 achin chunglam chenna zawng zawngte chu sawrkar laipui flagship programme PMGSY hmang hian kumtluana lirtheiin a zawh theih tur kawngpuia chhuntir vek tum a ni, a ti.

Union Cabinet chuan NABARD pawisa hman theih zat Cheng Vbch 5,000 ni \hin chu Vbch 20,000-a tihpun a remti a. Hei bak ah hian Afghanistan leh pakistan kal tlanga tuialhthei lakna tur pipeline buaipui turin Special Purpose Vehicle (SPV) siam a remti a, SPV-ah hian GAIL India Ltd. pawh a tel ve an remti bawk.

Cabinet Committee on Economic Affairs (CCEA ) pawhin National Lake Conservation Plan leh National Wetlands Conservation Programme te chu chhunfina ‘National Plan for Conservation of Aquatic Eco-systems (NPCA)’ tia vuah a remti a. Gujarat-a Palanpur-Samakhiali inkar rel kawng kilometer 247.73-a thui, \huang hniha kaltir pawh CCEA hian a remti bawk a ni.

Leave a Reply

This site uses Akismet to reduce spam. Learn how your comment data is processed.