Langtlang taka hnathawk turin sawrkar inpeih reng:Governor

Nimin session-ah Governor Pu Vakkom Purushothaman-a chuan sawrkar chu remna leh muanna vawng him reng tura a inpek thu leh kawng tin renga hmasawnna a awm theih nan lang tlang taka hna thawk turin a inpeih reng tih a sawi.

Governor chuan, remna leh muanna vawnhim kawngah mipui leh House Member te \awiawmna a dawn ngei a inbeisei tih a sawi a ni. Sorkar hmalakna lian ber, NLUP chungchang sawiin kum 2010-11 leh 2011-12 chhungin chhungkaw 96,139 tuam hman an ni a, 2012-13 chhungin chhungkaw 1,20,000 tuam leh hman tum a ni, a ti a. Kum 2009-a survey neihah NLUP dawng thei chhungkua an pun tak avangin Planning Commission-ah beneficiary 15,000-te tan sum dil belh a ni tih a sawiin, NLUP hnuaia hmalaklna hrang hrangte chu \ha leh tlo zawka kalpui a nih theih nan United Nations hnuaia Food and Agriculture Organization (FAO) leh an thawhpui University of Minnesota te hnen a\angin technical leh kawng dangah \anpuina dil a ni a ti bawk.

Governor chuan tun thlengin Planning Commission chuan Convergence Plan hnuaia CSS sum Cheng Vbch. 246 leh Nuai 38 bakah NLUP atan liau liau Cheng Vbch. 838 leh Nuai 82 a pe tawh tih a sawi a, NLUP hnuaia sum hmuh a pun avang hian RKVY hnuaia sum hmuh pawh pungin, kum 2011-12-a Cheng Vbch. 30 leh Nuai 36 hmuh chu kum 2012-13-ah chuan Cheng Vbch. 200 leh Nuai 91-ah a pung a ni, a ti.

Mitinin hriselna an neih theih nan a sorkarin hma a lak mek thu pawh sawiin Governor chuan thingtlanga chengte ngaih pawimawh an ni a, PHC leh Sub-Centre tam tak sak a ni a, hun reiloteah Thehzawl-ah Integrated AYUSH Hospital sak a ni ang, a ti a, zirna lama hmasawnna tura hmalak mekah, Modern Language Teaching Programme hnuaiah \awng zirna atan Cheng Nuai 2582.4 dah a ni a, SSA leh RMSA atan Cheng Nuai 47,536.37 dah a ni bawk tih a sawi a, Naupang hnena chaw chhun sem \an a nih a\anga tun thlengin bahlah miah loin la kalpui zel niin a sawi bawk.

Hmasawnna ruhrel \ha leh tam tawk a awm loh avangin state sum lakluh a pung hleithei lova, hei hi tihbo tumin a sawrkarin hma a la mek tih Governor chuan a sawi a. Hmun hrang hrangah kawngpui siam \hat hna thawh mek a ni a, Kilometer 100 a thui Multi Modal Transit Project kawngpui laih turah kilometer 60 laih zawh tawh a nih thu a sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram