MNF MLA-ten House chhuahsan

Nimin Assembly Session-a Governor thusawi ngaithla duh lo in MNF MLA ten house an chhuahsan.

MNF Legislator Leader Dr. R.Lalthangliana chuan Governor thusawi an duh lohna chhan hi thu dik tawklo hmanga Assembly House-ah meuh NLUP hmalakna a fak chiam vang a ni a tih nimin khan thuthar thehdarhtute a hrilh a, Hetiang thil hi Mizo-ram Assembly din tirh atanga la awm ngailo niin a sawi a ni.

Dr. R. Lalthangliana chuan an lungawilohna chhan sawiin, kum 2008 MLA inthlan dawn Campaign lai khan Mizoram Congress Party chuan Prime Minister Special Package atangin Plan Fund khawihbuai lovin, Mizoram Kuthnathawktu In tin te hnenah an sorkar tuk atangin cheng nuai 1 \heuh an pe ang tih an sawi a, hemi zulzui hian Congress Party chuan Congress membership fee `2/-in cheng nuai 1 a thleng theih tiin an inzuar leh a, amaherawhchu NLUP chu Prime Minister Special Package atangin chengkhat mah an hmu lova, Mizoram Plan Fund cheng vbc 234.16 atangin kum 2010-11 -ah an sem tan a, 2011-12 ah Plan Fund atang thoin cheng vbc 234 an sem leh a, 2012-13 ah pawh Plan Fund cheng vbc 370 atang bawkin an sem leh a ni a ti. Hei vang hian Department 46-te chuan Development Work an thawh \hin ang an thawk thei lova, sawrkar hnathawk hlawh pawh pe mumal thei lovin, CSS tam zawk chu NLUP atan an pawt peng deuh vek a ni a ti a, hei hian sawrkar Department inenkawlna a tibuai nasa hle a ti bawk.

Dr. Lal Thangliana chuan tunhnaia Synod Social Front ten NLUP zirchianna an neih a, an hmuhdan Survey Report-ah chuan NLUP dawngtu zaa 98 chu Congress member an ni a, zaa 2 chu midang Party-a awmlo leh Kuthnathawka hmala tha zualte an ni tih tarlan a ni tih sawiin, NLUP hi Congress Party hian an Party member siam belh nan leh Party mite induhsakna uchuak tak atan an hmang mek tih hei hian phat rual lohvin a thai-lang a ni a ti a, NLUP titha Award an siam sak lawmman latu Serlui Constituency pawh, an pi leh pute hunlai atang tawha WRC a\ang leh MNF hunlaia Leilet nei tawh, hlawhtling tate an ni a, Hachhek Constituency lawmman pahnihna latu pawh NLUP awm hma daiha Sangha dil puitling lo siam tawh \hin leh kuhva, Serthlum lo ching tawhsa te an ni, a ti bawk. Nimina Governor thusawi laia chhuak ta te hi Dr Lalthangliana bakah MLA dang Pu C.Ramhluna leh Pu B.Lalthlengliana te an ni a, MNF thlawptu MDF MLA Pu PP Thawla pawhin a zui chhuak a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram