Mizoramah Mobile Phone nei mi nuai 7 chuang awm

Kum 2011 chhiarpui-a a lan danin Mizoramah mi 10,91,014 an cheng a; nikum March thla thleng hriat theih chinah heng zinga mi 7,01,959 chuan mobile phone an nei a ni.

Zirtawpni-a Finance Minister Pu H. Liansailova抧 Mizoram, bubget a pharh ruala a pharh tel Mizoram Economic Survey 2012-13-in a tarlan dan chuan Mizo 10 awm khawmnaah 7 chuan mobile phone an nei zel tur ang vela ngaih a ni. Mobile phone hi kum khat chhungin za zela 21.32 laiin a pung a. Airtel sim card hmang an tam ber a, 2,40,000 an awm a, Aircelin dawtin mi 2,08,572 in an hmang a. Mizoram pumah hian mobile tower 514 a awm bawk a ni.

Sawrkar company leh mobile service pe chhuaktu hlun ber BSNL chu subscriber ngah ber pathumna niin 1,55,687 a nei a. Reliance-in dawt lehin subscriber 45,000 a nei a; Vodafone-in 20,000 neiin Tata Indicom chuan subscriber 4,411 an nei a ni. Landline hi BSNL-in an pe ber a, Mizoramah landline phone 46,889 a awm a, chu抧g zinga 46,883 chu BSNL ta a ni a, 6 chu Tata Indicom a ni.

BSNL hian Broadband internet connection 33,265 a pe tawh a, mobile service provider dangte hian 3G leh a dang hmangin internet connection engemawzat an pe chhuak ve bawk a ni.

Hetihlai hian Mizoramah Head Post office pakhat, Sub-Post Office 38 leh Branch Post Office 350 a awm a. State puma post office awm zat chu 389 a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram