Ningani khan MJA Serchhip District chuan Information & Public Relations Conference Hall, Serchhip-ah Annual Conference vawi 6-na an hmang.
He Conference-ah hian Pu FJ Liantluanga, Project Director, DRDA Serchhip District chu khuallian a ni a, Pu Robert C.Lalhmangaiha, ASO & Nodal Officer, NLUP Serchhip District chu Khualzahawm a ni bawk a, MJA General Hqrs. Aizawl a\angin President, Pu C.Lalrambuatsaiha, Vice President Pu Vanlalrema Vantawl leh Pu Robert Lalchhuana, Prominent Journalist te bakah hruaitu dang ten an hmanpui a ni.
He Conference hun khatna, Pu Lalremruata Ralte, Vice-President, MJA (SD) kaihhruaiah hian khuallian, Pu FJ Liantluanga chuan thusawiin Chanchinbumite chu mipuite duhdan, duhzawng, nunphung leh an ngaihsan zawng te thlenga siam\ha theitu an ni a, ram leh mipui hmasawn dan zawng zawngah mawhphurhna an nei a ni a ti a, chanchinbu a thuchhuak a hoh chuan a chhiartu mipuite nun leh hawiher a hniam a, chanchinbu enkawltute thlenga ngaih hniam a awl \hin tiin, chanchinbu mite chu thuchhuah tur te uluk turin a chah bawk a ni.
Hun hnihnaah Pu Kapliana Pachuau, President (SD) kaihhruaina-in rorel a ni a, he Conference-ah hian Serchhip District MJA te chuan Official Resolution 2 an pass a, chung te chu :
1) Mizoram sawrkar-in Advertisement rate min tihsansak hi lawmawm kan ti a, hetih rual hian Serchhip District-a sawrkar Department hrang hrang atanga Advertisement-a tihchhuah awm tak, news item-a tihchhuah sak tura Print leh Electronic Media te hnena ngenna a awm thin hi awm tawhlo se kan ti.
2) Kum 2012 MJA Serchhip District Annual Conference-in Serchhip khawpui chhung National Highway-54 kawngpui chhia siamthat thuai a nih theih nana hma la tura sorkar-a thu kan thlen tawh chu tunah hian hlawhtlingin siamthat mek a ni a. Hemi kawnga bialtu MLA leh Chief Minister, PWD changtu ni bawk Pu Lal Thanhawla hmalaknaah MJA Serchhip District te kan lawm tak meuh meuh a ni.
He Conference-ah hian khualzahawm, Pu Robert C.Lalhmangaiha bakah MJA Gen. Hqrs. hruaitu te � Pu C.Lalrambuatsaiha, Pu Vanlalrema Vantawl leh Pu Robert Lalchhuana-ten thu tha tak tak an sawi a ni.
MJA Serchhip District-ah hian Member 15 an awm mek a, Conference an neihah hian member te an tel kim vek a ni.