Categories
Chanchinthar Politics

Serlui B HP chungchangah MNYF chhâng lêt

Congress Party |halai (MPYCC) chuan MNF thalaite’n tunkar Ningania Mizo Hnam Runa Press mite an kawmna a Serlui B’ Hydel Project chu Forest Clearance neih loh avanga siam puitling a nih loh thu an sawi chu thudik tluantling lo a ni tih an sawi.

Nimina Aizawl Press Club a thuthar lakhawmtute kawmin, MPYCC President C.Lalawmpuii chuan Serlui B’ HP atan hian Congress sorkar hmasa-ah kum 1991 khan Forest Clearance la in pawisa fai cheng nuai 228.96 pek turah cheng nuai 170.14 pein Ministry of Environment & Forest (FC Division) chuan Forest Clearance a pe a. Thubuai awm avanga hnathawh theih mumal loh avangin kum1997 khan Serlui B SHP hi tihtawp a ni ta a ni a ti.

MNF sawrkar hun lai kum1999-a Serlui B SHP bultan leh tura thutlukna an siam khan Forest Clearance hi a thara dil leh a ngai ta tih a sawi a, dil ta lovin hna an thawk lui a, July ni 6, 2005 khan Chief Conservator of Forest (Central) Shillong chuan he project hi a hmunah kalchilhin an hna titawp turin a ti a, a hnu-ah show cause notice a pe leh bawk ani a ti a. Hetianga titawp tura an tih chung hian hna hi an chhunzawm zel a, tun Congress sorkar hian rorelna a chan tirh phat kum 2009 a\ang khan Forest Clearance neih theih dan tur a dap a, pawisa ba Cheng nuai 58.82 te pe tlain Forest Dept chuan Ministry of Environment & Forest (FC Division) a bawk, MW 12 atan hian a tharin Forest Clearance dilna a thawn leh ta a ni, a ti. Bairabi Thermal Power Plant megawatt chungchang pawh sawiin MPYCC President chuan MW 22.92 pe chhuak thei Thermal Power plant chu tunah hian a khawl a chhiat avangin tihnun theih a ni lova. Khawl chhia hi siamthat hna thawh mek a ni a ti bawk.

Hemi chunchangah hian MNF thalai chuan nimin vek khan thuchhuah siamin Congress party thalai chuan kawlphetha chungchang hi an sawifiah zolo niin a sawi ani.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram