Categories
Chanchinthar Mizoram

Mizoram Budget atan cheng vbc. 5245.34 ruahman a ni

Serchhip March 16, 2013: Kum 2013-14 Mizoram Budget ruahman chu cheng vaibelchhe 5245 leh nuai 34 a ni a, kumin budget ah hian chhiah thar lak rawtna a awm lo.

Nimin Assembly Session ni 4 naah Finance Minister Pu H.Liansailova抧 Budget hi pharhin, Non-Plan hnuaia sum ruahman zat chu cheng vaibelchhe 2,945.11 a ni a, Planning Commission-in kum thar plan tur a la bithliah loh avangin Plan sum chu kumin sawrkar kallai a Plan tiatin cheng vaibelchhe 2,300 ruahman a ni a, CSS a\angin cheng nuai 22.86 beisei a ni bawk a ni.

Kumin Budget ah hian NLUP chu ngaih pawimawh ber tur a ni a, hemi atan hian cheng vaibelchhe 370 bithliah a ni a, MLA Local Area Development Fund, MLA tinin kum khata cheng nuai 25 an neih \hin chu cheng nuai 30-ah tihpungin, hemi atana sum ruahman hi cheng vaibelchhe 12 a ni. Lunglei HPC tan cheng nuai 600 dah a ni a, Aizawl, Kolasib, Champhai, Mamit leh Serchhip District Planning Committee te tan cheng nuai 500 \heuh dah a nih bakah Sinlung Hill Development Council tan cheng nuai 300 dah hran a ni bawk.

Kumin Budget a ngaihpawimawh tur zingah Vision 2016 chu telin, hemi hmang hian kum 2016 Nipui Olympics Rio De Janeiro-a neih turah infiammi a tam thei ang ber tel tura buatsaih tum a ni a, heng bakah hian hmalak mekna leh hmalak tur \henkhat tarlangin, chungte chu Industrial Policy thar te, Hydro Electric Power Project hrang hrang � Tuivai HEP MW-210, Lungreng HEP MW 815, Chhimtuipui HEP MW 635, Mat HET MW 76 Central Sector hnuaia hmalak mek leh Kolodyne Phase II HEP MW 460 kum 6 leh thla 6 chhunga zawh tura kalpui te bakah Department 40 ten an buatsaih tur Result Framework Document te tarlan a ni bawk a ni.

Nimin vek khan sawrkar kum kallai 2012-13 a, sum indaih lohna Supplementary Demand for Grant cheng vaibelchhe 967.778 pharh a ni bawk.

Nimina Budget pharh paha thu a sawiah Finance Minister Pu H Liansailova抧 Mizoram chuan hmasawnna duhawm tak a hmu chho mek a ni a ti a, kum 2007 leh 2012 inkara \hanna chu a \ha viau a ni a ti a, Sawrkar kum, kum 2 kalta chhunga rampumin sum leh paia harsatna nasa tak a tawh chuan state t� Mizoram ang te chu kawng hrang hrangah a nghawng ang tih chiang reng mahse he sum harsatna hi tuar na lo thei ang ber turin state sawrkar chuan hma a la a, sum harsatna chu engemaw chen tawrh ni mah se mipui leh sawrkar thawhrimna azarah harsatna lian lutuk tawh a ni lo, a ti.
Finance Minister chuan, Economic Survey of Mizoram 2012 � 13 in thla 11 kal ta chhunga state sum leh pai dinhmun a tarlanah state hausakna chu zaa 10.37-in a \hang dawn niin a sawi a, hei hi ram pum sum leh pai \hanna zaa 5 aiin a sang a, hei hi Mizo mipuite thawhrimna leh sawrkara a thawhpuite inpekna vang a ni, a ti a, kum tharah Agriculture leh Industry chu ngaih pawimawh lehzual a ngai dawn tih a sawi.
Finance Minister chuan kum 2012 � 13 chu Mizoram tan hmasawn kum niin a sawi a. Sum leh pai a pung a, nitin mamawh lakluhna kawngah hma sawn a ni a, tual chhunga thlai leh thei thar chhuah nasa takin a pung bawk a, bungrua leh thil chi hrang hrang sdiam chhuah a pung a, kawlphetha, tui leh gas lamah pawh hma sawn a ni, a ti bawk.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram