Nimin zing lam dar 2 vel khan Pi Kaphliangi in, Hnahthial Chanmari
Thingsai kawng a mi chu bungrua engmah chuh hman lovin a kangral vek
a, mihring thi leh hliam an awm lova, kangmeiin a tihchhiat hlut zawng
hi `2,00,000 vel nia chhut a ni.
He in Assam Type niin, a kan chhan chiah hi hriat ni lo mahse, an tap
hnuai aṭanga kang ṭan niin in neitute chuan an sawi a, In neitute
chuan zan dar 10 vel-ah an mut thu leh hetih lai hian thuk-ah mei nung
tawh lova, mahse a thuk hnuai (tap let) aṭanga kang ṭan a nih an rin
ber thu an sawi. An vawk vul lai 32inches chu a kan nasat avangin
nimin khan khawtlangin an ser sak nghal a, an ar vul lai pawh 7 vel
chu a kang hlum bawk a ni. Vawiin khan khawtlang in hna tlangin in sak
ṭhat hna an thawk nghal a, 27ft x 15ft a zau in an rel nghal a ni.