Home » Chanchinthar » Direct Funding thlâwp thu sawi

Direct Funding thlâwp thu sawi

Chief Minister Pu Lal Thanhawla’n Autonomous District Council ten
central aṭanga direct funding an dilna chu chak zawka hmasawnna an
neihna tur a nih beiseiin an thlawp tih a sawi a, a hlawhtlinna
erawhchu central sawrkar thu a ni a ti.

He thu hi nimina Sangau khaw thlang lam km 40 vela hla, Lungtian
khuain kum 140 an tlin lawmna, YLA khelmuala Lal Ropui Hausata Run-a
inkhawm an buatsaih a hmanpui naah sawiin Chief Minister chuan,
Mizoram kil bera cheng te pawh ram neitu vek an ni a, mawhphurhna leh
chanvo mipuiin an neihte a inang vek a ni a ti a. A chibing zawnga
inla hrang bik tur pawh an awmlo a ti.

Mizoramah leilung fate inuanauna leh inlungrualna a pawimawh ber tih
sawiin, hemi atan hian sawrkar pawhin theihtawp a chhuah reng a,
pheikhai rual taka hmasawn tlan chu an duh ber niin a sawi.

Nimina inkhawmah hian Lai Autonomous District Council CEM Pu
C.Ngunlian-chunga pawh a tel a, a lawmna vawiina neih chhunzawm tur
chu bialtu MLA Pu H.Zo-thangliana, Parliamentary Secretary-in a
hmanpui ang.

Leave a Reply

This site uses Akismet to reduce spam. Learn how your comment data is processed.