Mizoram News

Lawngtlai kawngpui siamṭhat thuai tum

Lawngtlai District huam chhunga National High Way 54 leh Lawngtlai
khawpui chhung kawng siam ṭhat hna chu a rang tei ang bera thawh tum a
ni.

National High Way 54 chhe lutuk siam \hat phuta Lawngtlaia Taxi Owners
Association, Auto Rickshaw Owners Association leh Drivers Association
te huaihawta kar kalta a Bandh neih hnuah Lawngtlai DC Pu B.
La-lhmingthanga hova inbiakna neih zui a ni a, hetah hian PWD hotute
chuan Hrang-chalkawn a\anga Lawntlai thleng kawng siam that hna thawk
tur leh Lawngtlai atanga Zero point thleng he kawng siam \hat hna
thawk tur Contractor atan Bengal Prakalpa Pvt. Ltd. chu thlan a nih
thute, a chhanna rate a hriam lutuk avangin Contractor hian a thawk
leh ngamlo tih te an tarlang a, Hrang-chalkawn leh Lawngtlai inkar
kawng Contract hna pek phei chu Cancel sak a ni tawh a, Lawngtlai leh
Zeropoint inkar erawh chu Cancel a la ni lova, he kawng siam \hat hna
hi Bengal Prakalpa Pvt. Ltd hmingin Mizo Contractor 3 in
Sub-Contract-in thawk mai se, Hrangchalkawn leh Lawngtlai inkar kawng
erawh chu PWD Highway-in an sum neih ang ang hmangin siam tha mai se
tiin thu dah a ni ta a ni.

Lawngtlai khawpui chhung kawng siam\hat hna erawh chu Lawngtlai
Division in a theih ang angin thawk se tih a ni a. PWD hotute sawi
danin Lawng-tlai khawpui chhung kawng siam\hat nan hian Central
sawr-kar a\anga Special Plan Assistance cheng vbc 200 Central
sawr-karin min pek a tum chu hman tura ruahman a nia, he sum hi kumin
sawrkar kum 1st quarter chhunga hmuh beisei a ni a, tunah hian nghah
mek niin PWD hotute chuan an sawi a ni.