Mizoram Road Transport Union (MRTU) chuan thuchhuah siamin sawrkarin
Kaladan Multi Modal Transit Transport Project hnuaia Lawngtlai leh
Zochachhuah inkar kawng laih hna Police venhimna hnuaia a kalpui zel
chu ṭha an tih thu sawiin, sawrkar hmalakna chu an thlawp tlat tih an
sawi.
An thuchhuahah chuan Mizoram hmasawnna tur project pawimawh tak Lawng
chawlhhmun panna kawng pui Lawngtlai leh Myanmar inkar a laih mek chu
a thawh zawh hun a nghahhlelh em em tawh lai a, a tikhawtlai zawng a
hmalakna awm chu pawi an tih thu sawiin, sawrkarin ram hmasawnna tur
atana Kaladan Multi Modal Transit Transport Project hna chak taka a
kalpui zel chu ropui an tih thu leh chhuanawm an tih thu an sawi.