World News

Lirnghing vanga thi 160 tling tawh

Inrinnia China ram chhim-thlang lam Sichuan province-a lirnghing avanga thi zat chu mi 160 an tling tawh a, midang 3000 velin hliam an tuar a, hliam zinga mi 100 chuang te dinhmun a thalo hle

Lirnghin hun hi zing dar 5:32 ni in lirnghing nat zawng hi Richter scale-ah magnitude 6.6-a na ni a chhinchhiah a ni a, kirnghing avang hian in Lushan leh Longmen khua a in tam zawk chu a zim a, leimin in kawngpui engemaw zat a dangping bawk a, tui leh inbiakpawhna line te a chhe nual bawk a , chhanchhuah hna thawktu ten theihtawp an chhuah mek a ni.  US Geological Survey chuan Lirnghing chhuah tanna ‘epicentre’ hi China khawhlang lam khaw pakhat Chengdu atanga kilometer 115 velah niin, lirnghing hi lei hnuai kilometer 12 a thuk atanga intan niin a tarlang a ni.