Serchhip khaw chhung kawng NH-54 siamṭhat a nih hnuah Road Accident a
tam ta hle a, Accident tam zawk pumpelh theih dan kawng zawngin nimin
chhun khan Serchhip Sub-Hqrs. YMA hruaitute chuan Serchhip District
Superintendent of Police, Pu Romil Baaniya, IPS chu a Office-ah an
hmu.
YMA hruaitute hnenah hian SP chuan zuruia lirthei khalh, speed limit
(darkar khata Km. 30) aia chaka motor tlan leh document fel lova motor
khalh te hrem zel tura ṭan lak a nih tur thu leh Surprise
checking/mobile neih fo a nih tur thu a lo hrilh a. Hei bakah hian
lawng tichêpa lirthei hûng ṭhinte pawh chawitir zel an nih tawh tur
thu SP chuan a sawi bawk a, Traffic Police indaihlohna pawh thuneitute
hnena thlen mek a nih thu YMA hruaitute hi alo hrilh bawk a ni.
Serchhip Chanchinthar 