March ni 23- chhunlaia, Bualpuia Gas phur Motor, Bullet leh Taxi insut-na a Bullet Driver thih dan a lungawilo, IOC hnuaia, Assam Petroleum Majdoor Union inti ten Mizorama Gas phurh luh an duhloh avangin, tunlai hian Mizoramah Gas phurhluh a tlem a, Mualkhang Gas Bottling Plant pawhin tunah hian Gas thun tur a nei tlem tawh hle nia thu dawn a ni.
Hetih lai hian IOC hnuaia, Assam Petroleum Majdoor Union hotute leh thuneitute chu an in be zui meka, an lungawilohna chungchang hi chinfel thuai beisei a ni.
Mualkhang Gas Bottling Plant a dah tur Bullet khalhtu, Driver, Pintu Deb, Silchar mi Bullet khalh leh Aizawl atanga Kolasib panna Taxi tlan chu Bualpuiah March ni 23 khan an insu a, an insut hnu hian Bullet hian ko pang a su a, he tah hian Driver chu a tla chhuaka, chu chu Motor la che zui ke hnung vei lamin chil ta nia sawi a nia, hei hi awih thei lovin IOC hnuaia, Assam Petroleum Majdoor Union he Driver thih dan hi chhui chian an phut a ni.