West Phaileng MZP Sub-Hqrs. chuan West Phaileng Police Station OC, SI
Dhian Singh Minhas chu Mizorama hnathawk tlaka an ngaih loh thu an
sawi.
West Phaileng MZP chuan thuchhuah siamin, Pathianni khan SI Dhian
Singh Minhas chuan a hmaa Motor tlanten kawng chêp vanga pass-na
remchang an neih loh avanga a thinrimin uniform pawh ha lovin kut a
thlak bakah a service Pistol hmangin a vau bet zui tih an sawi a,
hetianga a che hi ṭha lo an tih thu leh mipuite venghimtu tur a
tithlabar zawnga a awm chu an dem thu an sawi bakah mipui thinrimin
West Phaileng Police Station an bei chu pawi an ti hle tih an sawi
bawk.
West Phaileng MZP chuan he buaina chawk chhuaktu Police SI hi Mizoram
chhunga hnathawk tlakah an ngai tawhlo tih sawiin, a ṭul anga hma
laksak turin sawrkar an ngen tih an sawi.
Mizoram News