India News

Police entawntlak pho chhuah zel tum

Delhi Chief Police chuan Police dawngdahte tana entawn tlak phochhuah zel a nih tur thu a sawi.

He thu hi tunhnaia Delhi-a hmeichhe naupang kum 5 miin pawngsual a  tawh chungchanga a sawi a ni a. He pawngsual case chhui chungchanga Police inthlahdahte chu zirtirna pek an ni ang tih Delhi Police Commissioner Neeraj Kumar chuan a sawi a ni. He case chhui ti-zuzi tura cheng 2000-a thamna police-ten an dawng anga sawi pawh chhuichian a nih tur thu Kumar-a chuan nimin khan New Delhi-ah thutharlakhawmtute hmaah a sawi a ni.

Naupang pawngsuala rinhlelh 2-na Pradeep Kumar chu  niminpiah zing khan Barahia, Lakhisarai district-ah, Delhi leh Bihar Police tankawpten an man a. Bihar court chuan darkar 72 chhung police kuta hren a phalsak a. Delhi-ah hruai a ni ang. Delhi Police Commissioner  chuan Bihar-a an man tak, rinhleh 2-na pawh hi he case-ah hian a inhnamhnawih ngei tih a sawi a. Hetih lai hian pawngsual tawk hmeichhe naupang kum 5 mi chu a thatchhuah leh mai beisei awmin a awm tawh a. AIIMS damdawiinah enkawl mek a la ni.