Niminpiah khan FC RS Annexe chuan Luangmual hnehin, Table mawng phah aṭangin an zuang chhuak a, 6-na an ni a. Reitlang FC chu a mawngah an awm ve ta. Mahse an awm rei lo.AIFF 2nd Division khel zo hlim Aizawl FC chu 3-2 in an hneh a, Points 12 neiin table -ah 5-na a ni ta vang mai.
Aizawl FC hian bul an ṭan ṭha zawk a, Lalnuntluanga chuan Aizawl FC tan minute 11-ah goal a khung a, he goal hi Minute 26-ah Zirsangzela chuan Reitlang FC tan a sut a. Hemi hnu minute 10 lekah Lalfakzuala chuan Reitlang FC hma a hruaipui a, First half a zawh chuan 2-1 in Reitlang FC chuan hma an hruai. Second half ah Reitlang FC hian bul ṭan ṭha zawk mahse minute 53-ah Justice chuan Aizawl FC si phurh a rul a, 2-2 a ni a. Minute 67 alo thleng a, Lalruatfela chuan chakna goal Reitlang FC tan a khung ta a. Reitlang FC hian 3-2 in hnehna an chang ta a. Man of The Match ah Malsawma (Reitlang FC goal keeper) thlan a ni.