Zothlifim Logo
Loading ...
Mizoram NewsMizoram News

State Transport Authority chuan Aizawl khawpui huam chhunga tan Taxi
chuan man bithliah thar a tum.

Aizawl khawpui chhunga Taxi chuan man awmze nei taka ennawna, felfai
zawka bithliah theih a nih nan STA chuan Mizoram Consumer Union pawh
rawtna siam turin a ngen a, he mi chungchang hi Mizoram Consumer Union
chuan sawihovin, hun reilote chhunga Taxi Stand hrang hranga thil awm
dan te, Taxi khalhtute chuan man lak dante, sawrkar rate dinglai tuna
hman zui tak loh te nen enmil a ni ang a, Taxi chuan man Rate thar
siamna tura rawtna siam turah hian veng hrang hranga Local Council lah
YMA hruaitute ngaih dan pawh lak tel a ni ang a, rawtna chu tunthla
chhung hian State Transport Authority-ah thlen a ni dawn a ni.

MCU Executive Committee Meeting- nilaini kalta a Aizawla neihah
Central sawrkar ruahmanna thar siam anga eirawngbawlna gas sem dan
chungchang pawh sawiho a ni a, IOC thu anga an Customer te hre chiang
tura Gas agent ten Gas Card leh a neitu an enfiahnaah Customer ten
harsatna \henkhat an tawh dan te pawh sawiho a ni a, IOC dan siam gas
agent ten an zawm tur te, Consumer ten an zawm tur te chu lehkhabu te
siama thehdarh thuai nise MCU chuan a ti a, Hemi bakah hian MICODA-in
Cable TV subscription fee thla khat atana `250/- lak a tum chungchang
leh hemi avanga District Hqrs. \henkhata Consumer Union leh Cable TV
Operator te inkara inhriatthiam lohna boruak awm pawh thlir ho a ni a,
MCU chuan Telephone Regulatory Authority of India (TRAI)-in tariff
order a siam aia sanga Cable TV Operator ten monthly subscription fee
lak an tum chu a remti lova, a \ul dan a zirin lungawilohna awmte
Consumer Court-a putluh pawh an rem ti bawk.