Nimin chhun dar 11 vel khan Vaiphai khuate chuan High Court thutluknaa
an lungawi loh avangin Saikhum khuaa Biak In leh Health Sub-Centre tih
loh in ding zawng zawng 40 chuang an hâl ral vek.
Nimin zing dar 6:00 khân Vaphai JAC te chuan emergency meeting neiin
Saikhum khua chungchânga High Court thutlûkna duh lovin Saikhuma khaw
awm hian Ralthuam leh ruihhlo tawlhna remchâng a siam niin an ngai a,
Saikhum khaw \hiah an rêl ta a ni.
Zing dar 6:30-ah Tlangau au tirin mi tumah zin chhuak lo tur leh ram
\angchin zawng zawng chu Saikhum \hiat tura thawk chhuak turin an
inhriattir a, Vaphai khua te hian Vaphai panna kawng – Samthang nên an
inkârah kawngchhak leivung hmangin kawng an hnawh ping a, Zing dar
9-ah thawk chhuak \anin Saikhum panna kawngah hian Police te’n Vaphai
mipui te chu lo dangin an kal luih chuan kahah an vau a, mipui ten ram
tana thil \ha zawk a ni a, ram leh hnam hmangaih vanga \hiah a ngai a
ni tiin \an an khawh a, Police ho nên hian an innêk buaiin mi 6 in
hliam an tuar a, Police te chuan an dang zo ta lova, thulakna chuan
Vaphai khua hi mi 1200 vel an thawk chhuak niin a tarlang.
Vaphai khuate hian Saikhum khuate chu an bungbel, mutbu leh Buh te chu
senghawi tura an hriattir thu an sawi a, hetih lai hian Saikhum khua
te hian senghawi lovin an hâl tel vek nia thu dawn a ni bawk. Mihring
lam chu engmah intihpalh leh intihlêt a awm lo bawk niin thu dawnna
chuan a tarlang.
Tarlan tawh \hin angin, Mizoram sawrkar Local Administration
Department-in Champhai district-a Vaiphai ram chhunga Saikhumphai Bawk
nikum October ni 31-a sawn chhuah tura thupek a siam chu Gauhati High
Court Aizawl Bench-a judge, Justice Ujan Bhuyan chuan Zirtawpni khan a
\hiat a, hetianga Court thutlukna thar a awm tak avang hian boruak
\halo awm thei palh veng turin Champhai District thuneitute chuan
Saikhumphai bawk lamah Police \hahnem tham tak an tir nghal a. High
Court Bench-in thutlukna a siam hma hian Police silai keng platoon
khat dah sa an ni a, court thutlukna puan a nih hnu hian platoon 2
dang dah belh leh a ni.
Saikhumphai hi Vaphai Village Council ram huam chhunga din a ni a,
sawrkar chuan he khua hi phalna nei lo leh dan kalha din a ni tiin kum
2012 October ni 31 hmaa chhuahsan turin a khaw mite chu thu a pe a.
India khua leh tuite chu Vaphai khuaa insawn tur leh Myanmar khua leh
tuite chu an rama kir tura tih an ni a, amaherawhchu duh lo an awm
avangin Saikhumphai khaw mite hian LAD thupek hi High Court-ah an
khing a, nikum November ni 22 khan High Court chuan sawrkar thupek hi
kengkawh rihloh turin thupek a siam leh a, hemi hnua thupek puitling
High Court Aizawl Bench-in a siamah hian sawrkarin Saikhumphai Bawk a
awmte sawn chhuahna tur thupek a chhuah chu dân kalh a ni a ti a ni.
Court thupekah chuan, Mihring chenna In \hiah tawhte chu Champhai
district DC-in endikin siam \hat leh na’n sum leh an mamawh dangte
thla 2 chhunga pe turin a ti a. Saikhumphai khaw mite court-a an kalna
senso atan `20,000/- pe turin Champhai DC chu thu a pe bawk.
He thil thleng avanga Saikhumphai mipui te eitur buhfai leh dailuah te
chu nimin vek khan Champhai DC chuan a thawn nghal a, Khawbung BDO
awmsa pui turin magistrate 2 tirh belh leh an ni bawk a, inbiakpawhna
\hat tawk loh avangin chanchin kimchang a hriat hleih theih loh a ni.