Mizoram News

Tourism Development Agency sum chungchangah FIR thehlût

Pi Vanramchhuangi (Ruatfela Nu) chuan Mizoram Tourism Development Agency (MTDA) sum chungchangah thil awmdan chhui fiah turin Anti-Corruption Branch ah FIR a thehlut.

Ruatfela Nu in FIR a thehluhnaa a tarlan dan chuan Mizoram tana Central sawrkarin Mizoram tourism tihhmasawnna atana sum a rawn pek hman dikloh tam tak a awm nia a hriat thu sawiin Central sum pekte zawng zawng MTDA hminga hawn Axis Bank leh Vijaya Bank-a Account-a an dah pung, RTI zawhna Department-in an chhanna leh Assembly Session neih zawh taka a changtu Minister-in a sawi nen a in ang lo tih a tarlang a.

RTI chhannaah January 10, 2013 thleng khan `14,628,540/- a pung tawh niin tarlan a ni a, Assembly Session ah Axis Bank- ah `9,94,89,299/- dahin `87,20,792/- in a pung a; tin, Vijaya Bank-ah `5,50,16,843/- dahin `12,42,768/- in a pung niin niin a sawi a. Minister-in Session-a a tarlan ang hi chuan a vaia pawisa pung chu `99,63,560/- a ni a, RTI hmanga zawhna chhanna nen a inthlauhna chu `46,64,980/- a ni. Hetianga sum pung zat sawi inanglo awm hi a rinhlelhawm a, thil dik tawklo a awm ngei niin a hriat a. He MTDA sum Bank-a dah pung (interest) hmanna hi chipchiar taka chhuichhuahsak turin a ngen a ni.

Tourist Lodge building sak zawh tawh hmun 19 (Darzo, N. Vanlaiphai, etc.,) leh sakbelh hmun 19 (Hmuifang, Reiek, Chaltlang, Lengpui, Beraw Tlang, Tlangnuam, etc.) ah a awm a. Heng building sak mek leh tihchangtlun mekte hi a chhe hle niin a changtu Minister ngeiin Assembly Budget Session zawh takah khan a sawi a. Chuvangin he thilah hian eirukna a awm ngei nia a lan avangin chhui sak tur leh a ṭul anga action laksak turin ACB te hnenah hian a ngen a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram