Pathianni zan khan Moto GP season ṭan a ni a, intlansiak hmasa ber hi Qatar-ah neih niin, World Champion ni lai, Jorge Lorenzo chuan Pole aṭanga bul ṭanin a tawp thlengin hmahruaitu a ni tluan a, hetihlai hian 7-na aṭanga bul ṭan Valentino Rossi chu 2-naah a invawrhkai a ni.
Intlansiak an ṭan a, Lorenzo hian hma hruai nghalin, intlansiak tawp lamah phei chuan hma a hruai fal tawh hle nghe nghe a ni. Kum 25 mi Lorenzo tan tuna a title lak hi Moto GP Title 25 a lakna chiah a n.
Moto GP-a a tlan vawikhatah Marc Marquez chu a che ṭha hle a, pathumna niin Podium a chang phak a, hetihlai hian 7-na aṭanga bul ṭan, Rossi hi intlansiak ṭan tir lamah 4-naah a rawn invawrh chho nghal a, mahse mahse reilo te-ah corner a laksual avangin 6-naah a tla thla leh a, intlansiak chanve deuh thawh 6-naah a tlan hnuin, a hmaa mi te a rawn lehpel chho leh a, a tawpah 2-naah a rawn invawrh kai leh thei a, last lap-ah 3-na ni ta, Marquez hi a rawn lehpel a, Marquez teammate Dani Pedrosa erawh tihsual a nei a, palina a ni phak hram a, Pahnihna atanga bul ṭan Cal Crutchlow chu pangana a ni ta a ni.
Rossi a hlim em em a,”Pahnihna hi a ṭha thlawt a ni. Ka hlim em em a ni. Hetih lai hian Jorge angin ka tlan ve thei tih erawh ka hria,. Bul ka tan chhe em em a, mahse Podium chan hrim hrim kha ka duh ngawih ngawih a ni”, tiin a sawi.
Qatar MotoGP results:
1 Jorge Lorenzo (Spa) Yamaha 42mins 39.802
2 Valentino Rossi (Ita) Yamaha 42:45.792
3 Marc Marquez (Spa) Honda 42:46.003
4 Dani Pedrosa (Spa) Honda 42:49.275
5 Cal Crutchlow (GB) Yamaha 42:58.566
6 Alvaro Bautista (Spa) Honda 43:01.950
7 Andrea Dovizioso (Ita) Ducati 43:04.157
8 Nicky Hayden (USA) Ducati 43:04.722
9 Andrea Iannone (Ita) Ducati 43:16.926
10 Ben Spies (USA) Ducati 43:24.710
April ni 21-ah Austin-ah intlansiak hi neih a ni leh dawn a ni.