Transport Minister Pu PC Zoram Sangliana chuan nimin khan Union Shipping Minister, Pu G.K. Vasan chu New Delhi-a a office ah hmu in, cheng vbc 26.97 senga Tuichawng leh Khawthlang Tuipui a Inland Water Transport development project siamtur a sawipui a, Union Minister-in a ruahmanna angin hemi chungchang hi IWT hmunpui Noida-ah sawi chhunzawm nghal a ni a, technical thil la chinfel ngaite chinfel a nih veleh hnathawhna tur sum hi sanction turin thu an dah a ni.
Minister hian nimin vek khan Union Culture Minister Chandresh Kumari Katoch chu a office chamber ah hmu nghalin cheng vbc 25 senga Aizawl District-a Heritage Village dinna tur ruahmanna leh cheng vbc 5 senga Champhai District Vangchhe khuaa Kawtchhuahropui a khualbuk sakna turbakah cheng vbc 5 senga Aizawl-a Museum of Modern Art dinna tur rua-hmanna an siam te a sawipui a. Union Minister chuan Heritage Village siam hi India ramah Culture Ministry in a la tih ngailoh a ni na a, hma lakpui theih dan a lo ngaihtuah tur thu a hrilh a, Project dang pahnih chungchang pawh hi a theihtawpa lo bawhzuisak a intiam bawk.