Mizoram News

Bar Association-in Criminal Contemp of Court Case an file dawn

Mizoram Bar Association, Gen. Hqrs., Aizawl chuan Vaphai khaw mipuite’n Gauhati High Court, Aizawl Bench thutlukna palzut zawnga an chet dan leh he Case-a anmahni dinsak tura Saikhumphai mipuite’n an rawih Ukil hial na taka vau chu demin Saikhumphaibawk hâl chungchangah Criminal Contemp of Court Case File an tum a, pawi khawihtute mana an chunga action lak an phut.

Nimin tlai khan Bar Association hian Press Confrerence neiin Saikhumphai mipuite hian Sawrkar-in Saikhumphai a\anga chhuak tura a tih chu chhan \ha tawk awmlo leh dan kalh a ni tiin Gauhati High Court, Aizawl Bench-ah an Ukil-te, B.Lalramenga leh J.C.Lalnunsanga te kaltlangin an zualko va. Hemi hnu hian High Court hian ni 26.04.2013 khan thutlukna puangin Mizoram Sawrkar-in Saikhumphai a\anga chhuak tura a tihna Notification chu \hiatin Deputy Commissioner, Champhai District chu Judgment & Order puan ni atanga thla 2 chhunga Saikhumphai mipuite In leh lo leh an thil dangte siam\hatna atana sum leh pai leh thil dang senso \ul ang ang te pawh pe nghala hma la tura hriattir a ni a. Chu mai bakah mimal emaw pawl intelkhawm emaw in an duh duha dân palzut zawnga an chêtna leh Mob rule awm thei turte pawh venga Law & Order palzutna a awm lohna tura hma la turin hriattir nghal a ni bawk. Hetiang a nih lai hian Court thutlukna chu engah mah ngai lovin Vaphai mipuite hian Saikhumphai khua chu hâla meivap ah chantirin, Resolution duhawm lo tak tak te siamin, “Saikhumphai bawk hi Vaphai mite hal ni lovin, Gauhati High Court, Aizawl Bench hal a ni” ti tea thuchhuah siamin, High Court thutlukna chu a tawp thlenga an do tur thute nasa takin an tlangaupui a. Dan kalha Vaphai mipuite chetna lo dodal tur leh thil tisualtute man tura Sawrkar in hmalakna engmah a neih hmuh tur vawiin ni thlenga a la awmlo chu demawm an tih thu sawiin Sawrkar hian Vaphai mipuite hi hetianga che tur hian a fuihpawrh hial zawk em ni tih pawh ngaihtuah theih a ni, an ti a. Hetianga chetna hi administration of Justice nasa taka kalhna niin hetiang thil reng reng hi chu a tawp thlenga an do tur thu an sawi.

Tu tih hriat lohin Saikhumphai mipuite tana ding Ukil pakhat zawk, J.C.Lalnunsanga, a nunna tan hiala hlauhthawnawm a an vauna pawh na taka demin , Ukil-te hetianga an vauna lo dodal tur hian tun hnu zelah pawh Mizoram Bar Association hi kan \angrual zel dawn tih an sawi a. An member pui Ukil vautu hi man ngei nise, Vaphai khaw mipui, pawikhawihtute hi Sawrkar hian manin an chungah dan angin action la nghal bawk se tiin an sawi a, hetihlai hian Saikhumphai mipuite tana Ukil dingte hi sawrkar chuan anmahni veng turin PSO a pe tawh a ni.