Saikhumphai khua an hal avanga in leh lo, ei leh in tur leh silh leh fen nei lo Saikhumphai khuaa mi 200 chuang zet te hnenah Farkawn khawtlang mipui chuan Buhfai Bag 17, Mutbu(Blanket leh Rizai) 46, Pawisa fai Rs. 23000/-, thawmhnaw hak tur 407 Trip khat leh Bungbel thahnem tak an pe a, heng bakah hian Dal, Alu, Purun etc. Bag engemaw zat an leisak bawk. Thawhlehni khan Farkawn Branch YMA hruaitute chuan Saikhumphai hi Police venna hnuaiah an tlawh a, an thil hmuh leh hriatte avanga tanpui ngaia an hriat avangin mipui hnenah tanpuina pe thei tan pek theih tiin an hriattir a, heng thilpekte hi mipui ten an thawhkhawm ta a, 407 pahnih hmangin Saikhumphai mipuite hnenah an hlan a ni.Saikhumphaiah hian In 37 a kang a, Buhdengkhawl 4 leh Solar te pawh a kang chhe bawk a, an Tuizemte pawh tihpawp vek niin an tuilak thlenga tihchhiat a ni. Tunah hian an hal bang Inahte riak khawmin an khawsa mek a ni.
Loading ...