Hachhek Constituency Development Committee (HCDC) chuan Assam nena an inkapawhna kawng Kahmun to Medili siam tha vat turin sorkar an ngen.
HCDC chuan Sebaram Reang tualthih thua Tuikuk ten Mizote mawhchhiata April 23-24, 2013-a Damcherrta, N.Tripura ah bandh an huaihawt leh kawng an zawhna kal zelah Langkaih Group YMA leh Taitesena Group YMA ten April ni 30 atanga Mioram leh Tripura inkalpawhna tiam chin awm lova an khar ta chu an thlawp tlat tikh an puang a. Hetihrual hian Kanhmun bazar hi Hachhek Constituency huam chhunga khaw hrang hrangten an chak lakna ber anih avangin kawng tam takin Hachhek Constituency mipuiten harsatna an tawk tuh an tarlang a, May ni 10 khan Langkaih Group YMA leh Taitresena Group YMA te chuan Assam nena an inakpawhna kawng pawimawh tak Kanhmun to Medili chu hnatlanga siamin mi 1250 vel an thawk chhuah niin an tarlang a, He kawngpui hi mihring kuta siam that mai theih anih loh avangin motor kal thei ngei tura hma la turin Mizoram sorkar an phut tih an sawi.
Hermi chungchanga an thuchhuahah chuan Mizoram sawrkarin Tuikuk raltlante a buaipui mek lai hian a ram mipui pawisawilote riltamna hi a en liam mai mai anih chuan Ram leh Hnam anga mualphona leh Tuikukte hmusits Mizote awmna mai tur chu a ngaithiam thei dawn lo tih sawiin mipuite harsatna sutkian sak turin Mizoram sorkar chu an ngen tih an tarlang a ni.