Tun dinhmunah, Mizoramah NLCPR Project thawh zawh tawh 68 awmin, thawh lai mek Project 59 a awm a. Heng atan hian NLCPR sum cheng nuai 54,839.69 hman phalsak niin cheng nuai 29,517.25 chu pek chhuah tawh a ni. 2012-2013 chhung khan a pumpuiin Project thawh nan cheng nuai 8168.12 chu pek chhuah hman a ni a, DPR thehluh tawh ngaihtuah mek 44 a awm a ni. NEC hnuai bikah chuan Project thawh lai mek 60 a awm a, heng atan hian NEC chuan cheng nuai 79,279.87 a pawm tawh a ni.
Nimin khan Chief Minister sawmna anga Mizoram chhunga NLCPR leh NEC hnuaia hmalakna hrang hrang a hmuna enfiah turin UK Sangma, Secretary DoNER chuan NLCPR leh NEC hnuaia hnathawh nei mek Department hotute Secretariat Conference Hall-ah kawmin thil pawimawh chi hrang hrang an sawiho a ni. Inkawmhona ah hian Mizoram Planning Board Member Secretary pahnih Pu Haukhum Hauzel IAS (Retd.) leh Pu PL Thanga IAS (Retd.) te pawh an tel.