India News

Khaw lumin hmar lam tuam mek

Khawlum hrehawm takin ramchhung hmar thlang lam leh chhak lam bial a tuam mek a, Punjab, Haryana, Delhi, Rajasthan, Uttar Pradesh, Vidarbha, Madhya Pradesh, Chhatisgarh, Jharkhand, Odisha leh Andhra Pradesh-ah te chuan ni 3 lo awm tur chhung chu khua a la lum belh dawn niin khawchin zirmi-ten an sawi a, 2°C velin a lum belh thei niin an sawi.

Khaw lumna ber, Rajasthan-a Churu chu nimin khan a lum lai berin 48.5°C a ni a, Allahabad-ah 48.3°C, Bikaner-ah 47.2°C a ni a, Nagpur pawh a lum lai berin 47°C a tling a ni.

Hetih lai hian hmarchhak state-ah te leh W.Bengal leh Sikkim-ah te chuan ruah a sur rin a ni a, Rajasthan leh Haryana hmun thenkhatah vaivut thli a tleh thei nia sawi a ni bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram