Mizoram State Law Commission-in Mizo inneih, inthen leh rokhawm thu-a dan thar an buatsaih chu a rang thei ang bera hman tura bawhzui ni se a ti.
Nimin khan an Chairman Pu R Lalrinawma kaihhruaiin Aizawl I&PR Conference Hall-ah meeting an nei a, hetah hian heng dan duang tura an ruat Pu RC Thanga leh Member Secretary Pu Zahmingthanga Ralte te chu an hna June thla ral hma azo tura beisei an ni tih tarlan a ni a, an zawh velah a rang thei ang bera Assembly a putluh tura hmalak nise an ti a ni.
State Law Commission hian dan dinglai dang, ‘The Scheduled Tribes and Others Traditional Forest Dwellers (Recognition of Forest Rights) Act, 2006 leh The Gram IMyayalayas Act, 2008’ chungchang a zirchianna leh Mizorama hman a nih theih nana rawtna an siam Assembly-in a pawm tawh a, hla/zai/video leh a dangte dân lo va copy chhawn a awm loh nana rawtna a siam chu Home Department-in chak takin a bawh zui mek tih nimina sawrkar thuchhuah chuan a sawi.
Hei bakah hian Mizoram tana Dân siam\hat ngai nia hriatte chu a kaihhnawih Department-ah te a thehlut a, Mizoram-a Insurance Company awm ten lirthei neitu ten an Insure dawna duh an thlan theihna an lo dâl \hin nia sawi chungchangah ‘The Motor Vehicles Act, 1998’ tlawhchhanin lirthei nei ten an duh chuan First Party leh Third Party hmanga an lirthei an insure theih avangin, hemi chungchang hi a \ul anga lo bawhzuia hma la turin Transport Department-ah a thlen tawh bawk a. Picnic Spot leh Swimming Pool hmangtute tana himna dan The Mizoram Swimming Pool Regulation Bill, 2011′ chu hman a nih thuai theih nana hmala turin Local Administration Department hnenah a hriattir tawh a. Hmingthlak/Hming chungchangah State Law Commission chuan thil felhlel a awm nia thu a dawn pawh bawhzuiin dik tak leh fel taka hmingthlak/hming siam\hat hi kalpui a nih theih nana hmala turin Mizoram sawrkar-a GAD ah thlen tawhin Affidavit awmzia mipui ten an hriat theih nan a zirtir chhawng leh tu tur Central YMA aiawh te zirtirna an lo pe tawh bawk.
Mizoram chhunga Police Station tinah Special Juvenile Police Unit din tura hma la turin Home Department-a thlen tawh chu Home Department hian theihtawpa bawhzui nghalin tihhlawhtlin tawh a ni tih sawrkar thuchhuah chuan a tarlang a, Environment & Forest Department, Mizoram-in Mizoram-a hman turin The Indian Forest Act, 1927 (Extension of Mizoram) Bill, 2012′ an draft, State Law Commission chul mam tura an pek chu uluk taka an thlirho hnu-in State Law Commission chuan The Indian Forest Act, 1927 (Extension of Mizoram) Bill, 2012′ en chungin The Mizoram Forest Act, 1955′ behchhana The Mizoram Forest Act’ siam \ha zawka an hriatthu hi E&F Deptt. ah an hriattir a ni.