Kumin sawrkar kum 2013 -14 chhunga Mizoram sum hman tur cheng vbc 2500 chu nimin khan Planning Commission-in a pawm a, plan sum hi a hma kum aiin 8.6%-in a tam.
Mizoram plan sum hi nimin tlai khan Chief Minister Pu Lal Thanhawla leh Planning Commission Dy Chairman Montek Singh Ahluwalia te’n New Delhi-ah inhmu in an tifel a, hriat theih chinah, NLUP kalpuina atan cheng vbc 450 ruahman a ni a, plan sum sawihonaah hian Chief Minister hi Home Minister Pu R. Lalzirliana, Chief Secretary Pi L.Tochhawng leh Planning leh Finance lam hotute’n an \awiawm a ni.
Mizoram sawrkar sum hman dan chu \ha tawka a ngaih thu Pu Ahluwalia chuan a sawi a, state mipui te hriselna, zirna leh agriculture lama hma-sawnna hmuh tur a awm chu fakawm a tih thu leh a bikin NLUP hmanga hmalakna \ha a tih thu a sawi a, Mizoram sawrkar chuan puih a ngaihna apiangah puih a theih tur thu a sawi a, hetihlai hian kawngpui sial kawngah hmasawn a ma-mawh ni a a hriat thu sawi a ni.
Planning Commission chuan, Mizoramah huan lo ram chawmna tur tui lâkna a chhe hle tih sawiin, hei hi siam belh a ngai a ti a, Horticulture, Animal Husbandry, Veterinary leh Dairy Sector bakah Fisheries ten hmasawn an mamawh a ti bawk a, Industry lama hmasawn turin a ruhrel siam\hat a, handloom leh handicraft lam te, eitur siamchhuah leh mau hmanga thil siam chhuak turin, mipui themthiamna hmang \angkai thei industry tenau din a pawimawh thu a sawi a ni
Kumin budget pharh hma khan Mizoram Plan sum tur hi ruahman fel hman a nih loh avangin budget kha nikum Plan sum cheng vaibelchhe 2,300 ang zat behchhana siam a ni a. Finance Minister-in vote-on-account hmanga sum lo hman lailawk tur dil lovin budget puitling a pharh a, Plan sum tur ruahman fel a nih takah hian Supplementary Demand pahnihna siamin Assembly pawmpui turin a pulut leh ang.