GAD Department hnuaia Aviation Wing-a Principal Consultant Wing Commander Pu Lalzawma chuan Pawan Hans Helicopter Service man Mizoram tum ve tur za zela 25 chu, a sum a awm vek tawh a, amaherawhchu Treasury a dahluh anih hnuah ‘K’ Deposit ah a awm mek avangin pe chhuak tura dil mek a ni a ti.
Zawhna chhangin Wing Commander Pu Lalzawma chuan Mizoram sawrkar tum ve tur za zela 25 cheng vaibelchhe 21.08 chuang chu hmuh kim anih hnuah kumin sawrkar kum chhunga state sawrkar tum ve tur chu a zat chiah hriat chian a nih loh avangin kumtir khan Planning Department pek kir a ni tih a sawi a, hemi bak nikum Helicopter Service tan tirh August thla leh December inkara hman man `10,04,04,967/- chu Aviation Wing aṭangin Treasury ah March ni 13 khan pek a ni a, hei hi Finance Department in sawrkar kumtawp dawn khan K Deposit a a dah a, April ni 16 khan Treasury aṭangin pe chhuak tura dil a ni a, ngaihchan mek a ni a ti.