Kum tina an tih \hin angin MZP General Headquarters chuan kumin Matric Exama ti\ha zual 10 zinga Mizo 13 te hnenah chawimawina nimina Aizawl Vanapa Hall-a inkhawm buatsaih ah an nei.
He hun hmanpuitu Assembly Speaker Pu R.Romawia chuan MZP-in hetiang hun an buatsaih thin chu lawmawm a ti a, hetianga an chawimawi te chu an hun kal zelah enge an thlen a, eng dinhmunah nge an din tak ti a umzui \hin turin a chah a ni.
Pu Romawia chuan Mizoram sawrkarin zirna tihhmasawn nana Education Policy 2013 a kalpui mek thu te, Education Reform Commission a din dan te sawiin moral reformation lam te, eizawnna tling pawchhuak tura zirna kalpui te bakah nungcha leh ramngaw thing leh mau humhalh thlengin zirtirna kalpui mek a ni, a ti.
Sum senralna tha leh peipunna tluantling ber chu zirna a ni tih sawiin, tunlai thalai te zingah mi tlem a zawng ruihhlo tihbuai an awm laiin a za tel erawh nu leh pa thuawiha zirna kawng zawh an awm tih hi inhrilh nawn fo a tul a, a chhuan chhe zawng ringawta insawi lova thalai fel tak tak te hi chawimawi thiam a tul tak zet a ni, a ti bawk.
Heng zirlai ti\hate mi 13 te hnenah hian lawmpuina thuziak leh `2000 \heuh pek an ni.