Mizoram Government Doctors Association-in Aizawl Civil Hospital leh Health department ram midang kuta hlan an phalloh thu an sawi.
MGDA Annual General Conference vawi 30- na nimina Aizawl-a neihah he thu hi resolution siamin an pass a, Civil Hospital ram leh Health department ram te chu mipuite ta a ni a, mipui te ta a nih angin humhalh an tum tih an sawi a ni.
He Conference hi Health Minister Pu Lalrinliana Sailo in a hmanpui a, thusawiin, an sawrkar tirhah thil harsa tak tak suttlang tur awm mahse Health Department chuan hma a sawn nasa hle a, hei hi hnathawk tute thawhhona \hat vang a ni a ti a, hmun hrang hranga Doctorte indaihlohna chu a \ul anga siam rem leh siam\hat tum a ni tih sawiin, Post ruak pawh hnawhkhah tum zel anih thu leh hmun hrehawm deuhah doctor te chu reilo te te awm tura siam tum a ni a ti.
MGDA Conference ah hian kum 2013-15 inkara hruaitu thlan thar a ni a, President atan Dr K Lalbiakzuala thlan a ni a, nimina an rorel zingah Sawrkarin kumtin Doctor a lâk theihna turin hmalâk ni rawh se tih te leh PHC tin tan sawrkar in motor lei rawh se tihte a tel a ni.